في نوع من الناس بتشعر انهم هِبل من تصرفاتهم وحكيهم وافعالهم . تعو لنشوف من شو مكوّنة جينات هالنوهية من الناس.
دخلكم الهِبل مش ولاد ناس؟
أكيد لأنه الناس شو بتخلف؟؟ بتخلف ناس,وهالناس أجناس ,وإلا بتوقف مكنة تفريخ الناس . والهِبل ولاد ناس , شو الهِبل خلقوا من فجلة مثلا ؟ اكيد من الناس ,والهِبل مسطرة عجيبة غريبة , مش مسطرة مدرسة لا تفهموني غلط , مسطرة من الناس وفي مساطر كتيرة قريبة من الهَبل وكمان من الناس بس بتقربهم من بعيد قرابة جديّة يعني , بيخلفوا ناس أحيانا بتزبط معهم الطبخة فبيطلعوا ناس على راسهم ريشة مثلا , كمان هولي ولاد هِبل الناس , بس بيفرقوا انه على راسهم خسّة بكل موقف بتفرّخ ريش لأنه هالهِبل الناس أصل جدودهم ديوكة وجداتهم دجاجة ,فبيورثو هالريشة من جد الجد , وفي ناس فحولة بيخلفوا تيوس راسها متل المتراس , ومن هالهِبل الناس في ناس مجاديب خيه التوأم للهَبل وبيخلف كمان بس بيخلف صيصان بترعى بالحقلة ووبتخلف بذرة الشجرة المجنونة اللي بتعربش على الحيطان وبتنخلف زهرة بتطيّر العقل عشان هيك سموها للشجرة مجنونة, وفي جزء من هِبل الناس من كتر هبلهم وصلو للعبقرية وبينتجو بنات افكار حكيمة ومحميّة بالمحميّات اللي بتحضن نبات شي مرتّب شي مرِت , وشي بروس وشي بلا روس بيحملوا بيرجعوا من جديد وبيخلفوا هِبل الناس وبتزيد هالذرّية لحتى ما يبقى حدا بعيد عن هالشرش الأهبل .
وبيقولوا الهِبل ما بيفهموا طلعوا الهِبل أفهم الناس قولكم ليش؟
حملوا هويّة متنوّعة الأجناس من النبات ومن الحيوانات بس للأسف خلط الدم جعل منهم مادة لا تنفع ولا تضر
ريتنا بلاهم .
